प्रस, वीरगंज, २८ असारर
वीरगंज उपमहानगरपालिका कार्यालय अन्तर्गत ठेक्कामा रहेको स्वीमिङ पुल तथा हेल्थ क्लब आदर्शनगरमा आज एकजना भारतीय बालकको डुबेर मृत्यु भएको छ ।
वीरगंज घण्टाघरमा श्रीराम स्टेसनरी सञ्चालन गर्दै आएका रक्सौल पटेलपथ निवासी सुरेश साह तेलीका १३ वर्षीय छोरा सौरभ साह तेलीको स्वीमिङ पुलमा डुबेर मृत्यु भएको जिप्रका पर्साले जनाएको छ ।
मृतक सौरभ भाइ रमेश साह तेलीसहित साथी
हरूसँग स्वीमिङ गर्न आएका र १२ फिटको पुलमा नुहाउने क्रममा डुबेर मृत्यु भएको हो । घटनास्थलमा मृतक सौरभका भाइ रमेशले दाइ डुबेकोबारेमा आफूले हल्ला गरेको तर कसैले नसुनेको र उद्धार नगरिएको बताए ।
स्वीमिङ पुल सञ्चालकले भने मृतक सौरभ ५ फिट पुलमा नुहाउँदै गर्दा एक्कासि १२ फिट गहिरो पुलमा
गएको र आज शनिवारको दिन भीडभाड बढी भएकोले चाल नपाएको बताएको छ ।
स्वीमिङ पुलमा मन्दीप ठकुरी र मनीष ठकुरी लाइफ गार्डमा कार्यरत रहेकामा एकजना नास्ता खान गएपछि सो घटना भएको बताइएको छ । प्रहरीले ड्युटीमा रहेका मनीष ठकुरीलाई सोधपुछको लागि नियन्त्रणमा लिएको छ ।
सो घटनापछि स्वीमिङ केही दिनको लागि बन्द गरिएको छ ।
.JPG)
